Откако средниот бек Лук Стеинс не ни допатува во Келн, денеска беше утврдено дека францускиот ПСЖ ќе остане без услугите на уште еден играч, чие име не е откриено.
На вчерашните тестирања, во ПСЖ имаше еден позитивен случај, а исто беше позитивен и еден од арбитрите, чиј идентитет исто така не е откриен.
Тие двајца веќе се во изолација, а утринава беа извршени нови тестирања на членовите на ПСЖ и сите резултати се негативни.
Затоа локалните власти му дозволија на францускиот тим да настапи на мечот со Барселона, кој се игра од 18:00 часот во „Ланксес Арена“.
Од 20:30 во второто полуфинале ќе играат Веспрем и Кил, а на овој дуел делегат ќе биде Драган Начевски.
Непријатни вести за Раул: ПСЖ без замената за Карабатиќ во Келн!