Еден од најдобрите дефанзивци, Хенрик Пекелер, потпиша нов договор. Пекелер заедно со раководството на Кил се одлучија за плус четиригодишна соработка односно до јуни, 2025 година.
Бундеслигашот Вецлар, го продолжи договорот со норвешкиот интернационалец Магнус Фредриксен до 2024 година. 23-годишниот среден бек дојде од Елверум и оваа сезона во Бундес лигата даде 24 меча.
Левиот бек на Брест Бретањ, Калидиату Ниакате, го продолжи договорот со францускиот тим до 2023 година.
Романскиот тим Валчеа ги продолжи договорите за следната сезона со тренерот Флорентин Пера, како и некогашните ракометарки на Металург – Кристина Лишчевиќ и Јелена Трифуновиќ, бекот Миреја Гонзалес и пикерот Есма Елгауи.
Левиот бек на финската репрезентација, Нико Ронберг, кој по кратката епизода во францускиот Иври, се врати дома во шампионот БК-46, го продолжи договорот со финскиот тим до 2023 година.
Борац Бања Лука, кој во оваа полусезона ќе биде предводен од некогашниот македонски селектор и тренер на Вардар, Веселин Вујовиќ, донесе засилување на голманската позиција. Станува збор за 32-годишниот Белорусин Артем Подосинов, кој дојде од романската Дунареа Калараши.
Левиот бек Салвадор Салвадор го продолжи договорот со Спортинг Лисабон, иако за него се интересираа Порто и Бенфика.
