21-годишниот чувар на мрежата на Татабања, Хавиер Демењи потпиша договор на една година со тимот на Ференцварош.
Рускиот „Брз Центар“ најави дека левиот бек Виталиј Комогоров, кој минатата сезона ја мина во унгарската Татабања, е пред потпис со Констанца. Романскиот тим веќе ги донесе Ален Блажевиќ и Онур Ерсин.
Русинката со унгарски пасош Кристина Тришчук од следната сезона ќе игра за тимот на Алба Фехервар. Таа претходно беше дел од Дунајварош, Шиофок, Кишварда, Турингер, ЕРД, Веспрем и Луч Москва.
Капитенот на Рихимаки Кокс, левото крило Тему Таминен, го продолжи договорот со финскиот тим за уште четири сезони и ќе остане во овој клуб до 2024 година.
Средниот бек на Будуќност, 19-годишната Николина Кнежевиќ, која дебитираше на последното СП во сениорската репрезентација на Црна Гора, од следната сезона ќе биде дел од романскиот Галаци.
Трет шпански интернационалец ќе игра во грчкиот шампион АЕК Атина. По Игнасио Моја и Игнасио Плаза Хименез, во Атина доаѓа десното крило од унгарскиот Балатонфуреди, Луис Фелипе Реина.
