Вардарци одиграа доволно добро во Кавадарци за да дојдат до триумф од 30:25, а доколку немаше опуштање во последните неколку минути тогаш победата ќе беше со далеку повисока предност.
Првите неколку минути од натпреварот минаа во неизвесност. Кавадарчани покажаа дека можат да парираат и да зададат удар, но Вардаар имаше расположени ракометари кои знаеја како да стигнат до позитивен резултат.
Доколку беше некој друг противник можеше и да има надежи за позитивен епилог, но против Вардар беше тешко. „Црвено-црните“ ја креваат формата и тоа се гледа и во играта. Иако на моменти ГРК Тиквеш беше во предност, сепак, на паузата беше 16:12 за тимот на Вардар така што ова беше убава позитива за гостите.
Вториот дел донесе подобро отворање за ракометарите на Вардар. Тие одработија на подобро и повисоко ниво и дојдоа до убава предност. Дојдоа до плус осум, 20:12 и тоа овозможи да се игра мирно во продолжѓението од натпреварот.
Како што одминуваше времето така стануваше јасно дека Вардар ќе дојде до висок триумф. Имаше контрола и со мирна игра дојде до убава завршница бидејќи победникот беше решен на шест минути до крај кога Вардар имаше 30:19. Сепак, за шест минути домашните постигнаа шест гола и дојдоа до минус пет за пристоен пораз.
СУПЕР МАШКА ЛИГА – ТАБЕЛА