Скапиот проект на Кастамону ќе игра во Лигата на шампионите

По објавениот список од страна на ЕХФ за екипите кои имаат загарантирано место во Лигата на шампионите кај дамите во новата сезона, денес ракометната куќа соопшти кои екипи имаат добиено вајлд-карта.

Од вкупно 10 пријавени екипи за вајлд-карта, шест беа одобрени, додека четири екипи останаа без учество во Лигата на шампионите за новата сезона.

Екипите на Ростов Дон, Есбјерг, Кастамону, Савехоф, Крим и Мец обезбедија учество во Лигата на шампионите преку вајлд-карта, додека Баја Маре, Битигхајм, Сторхамор и Баник Мост останаа без учество во Лигата на шампионите.

Од претходно, загарантирано место обезбедија екипите на Подравка, Оденсе, Брест Бретањ, Борусија Дортмунд, ФТЦ Будимпешта, Ѓер, Будуќност, Вајперс Кристијансад, ЧСМ Букурешт и ЦСКА Москва.