Ракометниот Суд на Европската ракометна федерација денеска објави за две казни на босанскиот клуб Борац и францускиот Екс Ан Прованс.
Францускиот клуб е казнет со 3.000 евра поради неправилности на подлогата за играње и недозволени реклами на натпреварот од Лигата на Европа против Нексе.
Сепак казната е преполовена на 1.500 евра, бидејќи на следниот натпревар грешката била коригирана. При следен ваков или сличен прекршок, Екс Ан Прованс ќе мора да го плати и вториот дел од казната.
Босанскиот Борац беше казнет со 5.000 евра поради нарушување на безбедноста на актерите на теренот на дуелот против Беса од Косово од страна на публиката.
ПОВРЗАНИ ВЕСТИ
