Иако пред еден месец се појави информација дека ракометарот од Црна Гора, Мирко радовиќ ќе го напушти Еурофарм Пелистер, дојде до менување на планот и Црногорецот ќе го продолжи својот претстој во Битола.
Радовиќ останува дел од тимот на Еурофарм Пелистер така што соработката ќе продолжи, па сега е јасно дека нема да биде ангажиран нов ракометар на позицијата десно крило.
Продолжувањето на соработката доаѓа на заедничко задоволство така што тој и понатаму ќе биде избор за позицијата десно крило и по потреба во бековската линија
Се работи за играч кој е дел и од репрезентацијата на Црна Гора и кој е секогаш меѓу поборбените во одбраната. Оттаму Еурофарм Пелистер го задржува нивото на квалитет и во новата сезона на десната страна.
На позицијата десно крило во тимот на Еурофарм Пелистер играат и Ненад Костески и Милан Ѓукиќ, а тие се исто така од договор со клубот.