Македонскиот репрезентативен голман Никола Митревски втора сезона по ред пружа одлични партии на голот на Порто.
Тоа му донесе номинација за најдобар голман во 2021 година во Португалија, а негови конкуренти се голманите на Бенфика – Сергеј Ернандес и Густаво Капдевил, како и чуварот на мрежата на Спортинг, Мануел Гашпар.
Својот глас за Митревски може да го дадете на следниот ЛИНК.
Митревски минатата сезона освои тројна круна во Португалија, а на добар пат е и сезонава да го повтори истиот успех. Во ЛШ, Порто забележа победи над Келце, Фленсбург и Динамо, а одигра реми и со европскиот првак Барса.
Нов предизвик за битолчанецот ќе биде настапот со Македонија на Европското првенство во Унгарија и Словачка од 13 јануари и дуелите против Словенија, Данска и Црна Гора.
ПОВРЗАНИ ВЕСТИ
