Екипата на Порто каде што настапува репрезентативниот голман на Македонија, Никола Митревски е подготвена да издвои значителна сума за ангажирање на левиот бек на Спортинг, Педро Валдес.
Кубанецот Валдес сака да си замине од Спортинг бидејќи клубот му ја намали платата, а Порто е подготвен да ја плати клаузулата од договорот која изнесува 150 илјади евра за раскинување на договорот со Спортинг.
Според ова Валдес е многу блиску до трансфер во Порто, каде што би имал значително повисока плата. Кубанецот изминатата сезона беше најдобар играч на Спортинг и на 46 натпревари постигна 197 гола и потврди дека се работи за многу квалитетен играч.
Спортинг сезоната ја заврши на втората позиција на табелата зад Порто кој ја освои шампионската титула. Исто така Порто го освои и Купот на Португалија со што ја потврди доминацијата со освојување на двојната круна.
ПОВРЗАНИ ВЕСТИ
