ПОЗНАТИ СОСТАВИТЕ: Металург со 11 ракометари, Плоцк без Стевановиќ, Фернандез и Дутра Силва (ФОТО)

Ракометарите на Металург вечерва ќе го одиграа првиот натпревар од двата против Висла Плоцк, на кој формално се домаќини.

Тренерот Оливер Димитриоски имаше големи проблеми околу ростерот и не може да смета на Златко Хорват, Мице Шилегов, Тео Тодески, Милан Лазаревски, Марко Тарабокија.

На првиот меч во Плоцк нема да смета ниту на новото засилување, Василије Калуѓеровиќ. Вечерва треба да дебитира голманот Давид Брестовац.

Во полскиот состав ќе ги нема голманот Иван Стевановиќ, десниот бек Давид Фернандез и левиот бек Леонардо Дутра Фереира.

Натпреварот се игра во „Орлен Арена“ со почеток во 20:45 часот.