Унгарскиот вицепрвак ПИК Сегед не може да крене глава од коронавирусот. По третпат оваа сезона тимот на Хуан Карлос Пастор е во карантин!
По завршувањето на ЕХФ неделата и враќањето на ракометарите од националните селекции, ПИК Сегед организираше тестирање на Ковид-19.
Тоа покажа дека има тројца позитивни членови, и веќе се одложени натпреварите против Комло и против Ференцварош од унгарското првенство, а најверојатно нема да се игра ниту дуелот со норвешкиот Елверум од Лигата на шампионите.
ПИК Сегед одигра три меча во Лигата на шампионите и сите ги загуби, па се наоѓа на последното место на табелата во групата А.
ПОВРЗАНИ ВЕСТИ
