Ракометарите на Вардар продолжуваат со победите во Супер лигата и во 3. коло на гостувањето во Охрид забележаа нова со што освоија и нови три бода откако славеа со 31:29. Сепак, оваа победа не беше така лесна и ракометарите на шампионот мораа добро да се испотат.
Натпреварот почна израмнето и така беше до 4:4. Потоа следуваше серија на Вардар за прво поголемо водство 8:4. Меѓутоа, Охрид не се предаде тука и врати со иста серија од четири гола за ново израмнување.
Продолжи играта со добри периоди на двете екипи. Вардар повторно се одлепи на три предност, а до крајот на првиот дел избраниците на Веселин Вујовиќ успеаја да се одржат во позитива и по 30 минута имаа 15:11.
Охрид не се предаваше, а тимот на Раде Стојановиќ постојано беше во два или три гола негатива и беше закана по предноста на Вардар. На десет минути до крај Охрид намали на минус еден, 24:25. До крај искусниот тим на Вардар не дозволи пресврт и успеа да се избори за триумф, но многу потешко од сите очекувања.
СУПЕР МАШКА ЛИГА – ТАБЕЛА