Ослабената Германија покажа моќ против Австрија

Иако без дузина ракометари кои сигурно би биле во првата постава (Пекелер, Виде, Винцек, Вајнхолд…), Германија славеше убедливо на гостински терен во Грац против Австрија со 27-36 во натпревар од квалификациите за ЕП 2022 година.

Домашните без Никола Билик и Јанко Божовиќ се за една класа послаби, па бундес тимот уште по првиот дел ја обезбеди победата, откако водеше со 16-22.

Во вториот дел избраниците на Алеш Пајовиќ заиграа подобро, но тоа не беше доволно да се заканат и да направат камбек во натпреварот.

Најдобри стрелци во австриската селекција беа Живковиќ и Фримел со по седум голови, додека кај Германија (во ростерот не беше вардарецот Дисингер) се истакнаа Шилер со 11 погодоци и Гола со четири.

Реваншот меѓу овие две селекции ќе се игра на 9 јануари во Диселдорф.