Големо признание за македонскиот интернационалец Никола Костески, кој настапува во дресот на Линц во австрискиот шампионат.
Тој беше избран за најдобро десно крило во првиот дел од сезоната, во која е лидер на тимот на Линц и еден од најдобрите стрелци во лигата.
Иако Линц дури во последното коло од првиот круг ја забележа првата победа, сепак има шанси да стигне и до плеј-оф, со оглед на разликата од само шест бода до место кое води во разигрување за титулата.
Костески игра во одлична форма и досега на девет натпревари успеа да постигне 45 погодоци.
ПОВРЗАНИ ВЕСТИ
