Во пресрет на осминафиналните натпревари од Лигата на шампионите во женска конкуренција, Борусија Дортмунд требаше да патува во Франција и да ги одигра двата натпревари на гостински терен со Мец.
Ракометниот суд при ЕХФ одлучи двата натпревари да ги добие француски Мец со службени 10:0 и директен пласман на клубот во четвртфиналните дуели.
Освен дисквалификација, против Борусија Дортмунд ќе биде отворена и дисциплинска постапка, а тоа значи и можна парична казна и забрана за настап на европска сцена неколку години.
Германците неколку денови пред патувањето добиле известување од нивната федерација дека голманката на Мец и германска репрезентативка Дина Екерле е позитивна на коронавирус.
Поради тоа, Борусија Дортмунд, не отпатува во Франција иако сите останати ракометарки на Мец беа негативни на ковид-19 и Екерле беше изолиран случај.