Еден од домаќините на Светското првенство, селекцијата на Шведска, ја забележа втората победа на Мундијалот, но победничката атмосфера ја прекина немил настан.
Среде изјавите и интервјуата на шведските ѕвезди, еден млад навивач имаше епилептичен напад и требаше веднаш да биде транспортиран со амбулантно возило.
Јим Готфридсон веднаш ги прекина изјавите во микс зоната и се заинтересира за здравјето на младиот поддржувач на Шведска.
„Има поважни работи од натпреварите и победите. Ние ќе направиме нешто за него. Ќе му подариме потпишан дрес од сите репрезентативци и билети за сите следни натпревари. Се надевам дека ќе може да дојде. Проработе родителскиот инстикт и татковското срце“ изјави Готфридсон за „Автонбладет“.
По двете победи над Бразил и Зеленортските Острови, за Шведска останува да се одигра уште средбата со Уругвај.