Ракометарите на Мотор Запорожје се многу блиску до пласман на завршниот турнир во СЕХА лигата откако ја совладаа екипата на Татран Прешов во првиот натпревар со 27:22.
Првите пет-шест минути немаше реализација на двете страни, дури во 7. минута Татран го отвори резултатот. Се играше постојано израмнето, со малку голови и без поголема предност на двете страни. До полувремето Татран обезбеди позитива од два гола кога водеше 12:10.
Во второто полувреме сликата на теренот беше многу поразлична од првиот дел. Татран добро почна и успеа да стигне до највисоките 15:11, но следуваше добар период на Мотор кој во 40. минута израмни на 15:15.
Во последните 15 минути тимот од Украина доминираше во целост. Со серија од 6:1 Мотор ја обезбеди победата. До крај на дуелот рутински ја задржаа предноста и остварија триумф од пет гола (27:22) пред утрешниот реванш на кој ќе треба да го потврдат пласманот во Задар.
Најефикасни во тимот на Мотор беа Пуховски и Козакевич со по четири погодоци, а добар натпревар имаше голамнот Мароз со десет интервенции. Во екипата на Татран Прешов најефикасни беа Линарес и Лецичар со по пет гола.
Досега е познат еден учесник на Ф4 турнирот во СЕХА, а тоа е составот на Веспрем. Утре ќе бидат познати уште два бидејќи покрај дуелот меѓу Мотор и Татран, на терен ќе се најдат и Мешков Брест и Еурофарм Пелистер. Вардар ќе му гостува на Загреб во вторник кога треба да биде комплетиран списокот на полуфиналисти.
ПОВРЗАНИ ВЕСТИ
