Репрезентативниот голман Никола Митревски со својата екипа Порто обезбеди пласман во финалето од Купот на Португалија, откако во полуфиналето беа подобри од Агуас Сантас после едно продолжение со 33:31, а регуларните 60 минути завршија 27:27.
Натпреварот беше потполно неизвесен во текот на сите 60 минути, Агуас Сантас во првото полувреме успеа да обезбеди предност и на паузата имаше минимални 14:13. На почетокот на вториот дел Порто го презема водството, но тоа не треаше долго.
До крај на натрпеварот се играше израмнето, а во завршницаа Агуас Сантас влезе со предност. Сепак ракометарите на Порто успеаја да израмнат и да се изборат за нерешено и продолженија. Првото продолжение Порто го доби со 6:4 што беше доволно за пласман во финалето.
Никола Митревски уште еднаш беше дел од својот тим и придонесе за победата. Во големото финале Порто за пехарот од Купот ќе се бори против екипата на Бенфика која славеше во првото полуфинале против Спортинг со 26:24.