Женската репрезентација на Македонија во ракомет на плажа со пораз го започна настапот на Европското првенство во португалскиот град Назаре.
Подобра од Македонија беше селекцијата на Украина, која славеше со 2-0 во сетови со убедлив резултат.
Првиот сет го загубивме со 20-8, додека во вториот сет бевме поконкурентни барем на стартот, но и тој го доби ривалот со 23-16.
Ана Марија Божиновска имаше шест поени, додека Јанкуловска, Гулицоска, Диневска и Маркоска имаа по четири.
За Македонија денеска ќе има уште еден предизвик од 15:00 часот против Холандија, додека последниот меч е утре од 13:00 против Португалија.