Ланските финалисти од Супер Глоуб турнирот, екипите на Магдебург и Барселона, годинава повторно ќе играат во финалето на ова натпреварување.
Бундеслигашот во првото полуфинале беше убедлив против египетскиот Ал Ахли со 36:28 (18:17).
Во второто полуфинале се судрија актуелниот европски шампион Барселона и полскиот шампион Келце, а дуелот го добија каталонците со 39:28 (16:11).
Тимот на Мудар, кој е предводен од тренерот Зоран Кастратовиќ ја забележа првата победа, откако триумфираше против Синдеј со 29:26 (14:13) и ќе игра за 9. позиција против тимот на Ал Кувај.
Завршните натпревари од Супер Глоуб турнирот ќе се одиграат во текот на утрешниот ден.
Финалето меѓу Магдебург и Барселона е закажано за 19:00 часот, додека дуелот за трето место меѓу Келце и Ал Ахли ќе се одигра со почеток од 17:00 часот.
Актуелен бранител на титулата е екипата на Магдебург, која во ланското финале ја совлада Барселона со 33:28.
ПОВРЗАНИ ВЕСТИ
