Екипите што ќе играат во новата сезона од Првата лига ги користат последните денови пред стартот за пријателски натпревари.
Ракометарите на Куманово го совладаа составот на Драчево со 33-29, откако на полувреме ривалот имаше плус два гола предност, 17-15.
Првото коло во Првата лига се игра следниот викенд на 18/19 септември, а Куманово и Драчево играат во различни групи.
Куманово ќе биде дел од групата Б заедно со Аеродром, Текстилец, Алкалоид, Голден Арт, Јуниор КВ, Металург РА, Македонија ЃП, Астраион и Кичево.
Драчево ќе игра во групата А со екипите на Работнички, Јехона, Младост Богданци, Преспа, Вардар Неготино, Шампион, Партизан Гевгелија и Борец Велес.
ПОВРЗАНИ ВЕСТИ
