Кристина Неагу останува верна на ЧСМ Букурешт

Капитенот на ЧСМ Букурешт, Кристина Неагу реши да остане во романската престолнина откако со раководството на клубот се договорија на нова соработка.

Нејзиниот договор со екипата на ЧСМ Букурешт е продолжен на уште две години. Со нејзиниот потпис, романскиот тим во своите редови ја задржа една од најдобрите ракометарки на светот.

Неагу во својата кариера настапуваше и за екипите на Будуќност Подгорица, Валчеа, Рулментул Брашов и Плоешти.

Од страна на ИХФ четири пати беше избрана за играч на годината, 2010, 2015, 2016 и 2018 година. Во сезона 2014/15 со Будуќност ја освои Лигата на шампионите.

ЧСМ Букурешт пред еден ден го продолжи договорот и со ракометарката од Франција, Сираба Дембеле, која три сезони го носеше дресот на Вардар.