Тимот на Еурофарм Пелистер стартуваше победнички во новата година, откако на подготовките славеше на првиот пријателски натпревар.
Битолчани триумфираа против словенечкиот Целје со 32-30, а најдобар играч на теренот беше голманот Марко Кизиќ.
Чуварот на мрежата собра 11 одбрани и успеа да постигне еден погодок на натпреварот против „пиварите“.
Периќ беше најдобар стрелец со девет гола, Табоада даде шест, четири пати погоди Обрадовиќ.
Во битолскиот тим недостигаа Радовиќ, Мандалиниќ, Маџовски и Маркоски поради повреди, додека Мараш игра на ЕП.
Избраниците на Жељко Бабиќ ќе одиграат уште две пријателски средби, против Сесвете и Загреб на 26, односно на 28 јануари.
ПОВРЗАНИ ВЕСТИ
