Каде е Карабатиќ, таму се титулите – 20 пехари за 21 сезона!

Тимот на ПСЖ изминатиот викенд ја прослави новта титула во францускиот шампионат – осма по ред, или деветта во последните десет сезони.

За 38-годишниот Никола Карабатиќ, оваа титула со ПСЖ беше вкупно 20-та во 21 сезона колку што игра како професионалец.

Тој ги носеше дресовите на Монпелје, Кил, Барселона и ПСЖ, иако е на залезот на кариерата, продолжува да поставува рекорди на индивидуален план.

Францускиот репрезентативец освои 14 од 15 можни титули во Франција со Монпелје и ПСЖ, четири од четири има со Кил во Германија и две од две со Барса во Шпанија.

Единствената сезона во која легендарниот бек не освои шампионски пехар е сезоната 2012/13 во која поради скандалот со обложување, мораше да замине од Монпелје во Екс ан Прованс, каде ја доигра сезоната.