Екипата на Металург после четири порази конечно дојде до победа и мрдна од мртва точка откако денеска дојде до победа од 27:22 против Струга на домашен терен во 5. коло од Супер машката лига.
Составот на Металург имаше игра во која постојано беше во предост и не дозволуваше противникот да парира. После неколку минути на стартот во кои имаше игра во која и стружани парираа следуваше игра во која после 3:4 домашните направија 3:0 и го презедоа водството.
Контролата на играта и предноста овозможи металурзите да ја зголемат предноста и да дојдат до резултат со кој можат мирно да продолжат. На полувреме Металург имаше 14:10, а потоа стигна и до плус осум, 23:15.
Овие осум гола дадоа шанса за сигурен финиш и победа на овој дуел. До крајот на средбата Металург контролираше и конечно ракометарите на овој тим се израдуваа на победа.
СУПЕР МАШКА ЛИГА – ТАБЕЛА