Традицијата продолжува и екипата на 24Ракомет и годинава ви овозможува во секое коло да гласате за најдобрите ракометари по коло во есенскиотдел од сезоната.
За разлика од лани годинава има 12 екипи, а играат и Вардар и Еурофарм Пелистер. Сезоната ќе биде долга, ќе има неизвесни битки за пласман во плеј-офот каде ќе играат шест екипи. Дефинитивно на љубителите на ракометот нема да им недостигаат драматични и неизвесни натпревари.
Ние ги одбравме најдобрите седум, а со помош на вашите гласови ќе се одбере ракометарот кој ќе биде МВП на колото. Ќе можете да гласате до петок до 12 часот.
РЕЗУЛТАТИ ДО 5. КОЛО ОД СУПЕР МАШКАТА ЛИГА
ЕУРОФАРМ ПЕЛИСТЕР – РАДОВИШ 42:22
ПРОЛЕТ 62 – ГРК ТИКВЕШ 31:26
ОХРИД – СКОПЈЕ 2020 37:25
ПРИЛЕП – ЕУРОФАРМ ПЕЛИСТЕР 2 24:30
БУТЕЛ СКОПЈЕ – ВАРДАР 27:34
МЕТАЛУРГ – СТРУГА 27:22
ТАБЕЛА
ИДЕАЛЕН ТИМ НА 5. КОЛО
ГОЛМАН: Андреј Петковски (Пролет) – Голманот на Пролет имаше добро издание во кое помогна многу во победата против Тиквеш. Одбрани добро во текот на целата средба, па беше еден од клучните вотриумфот и новите бодови.
ЛЕВО КРИЛО: Тимур Дибиров (Вардар) – Одигра уште еден ефикасен натпревар. Постигна седум гола против Бутел Скопје и го предводеше својот тим кон нова победа.
ЛЕВ БЕК: Павле Атанасијевиќ (Еурофарм Пелистер 2) – Ракометарот на Еурофарм Пелистер игра во добра форма. Новата добра игра беше крунисана со седум погодоци против Прилеп.
СРЕДЕН БЕК: Халил Озтурк (Металург) – Конечно победа за Металург. Одлично одиграна средба во која ракометарот од Турција беше и прв стрелец со осум гола.
ДЕСЕН БЕК: Филип Николов (Охрид) – Еден од подобрите натпревари за него во дресот на Охрид. Одработи добра средба и постигна шест гола против Скопје 2020.
ДЕСНО КРИЛО: Дарко Ѓукиќ (Вардар) – Доби добра минутажа и за овој период реализираше четирипати. Одигра еден од подобрите натпревари во дресот на Вардар.
ПИВОТ: Елмир Граџан (Еурофарм Пелистер) – Пивотот на Еурофарм Пелистер имаше добра средба во која постигна осум гола против Радовиш. Тој беше и најефикасниот на средбата.
ПОВРЗАНИ ВЕСТИ
