Затаи шутот во финишот, Вардар остана без бодови против Пик Сегед

Ракометарите на Вардар имаа добар натпревар против Пик Сегед, но во последните седум минути реализираа само еднаш и тоа на крајот ги чинеше пораз од 26:28 со што останаа без два многу важни поени.

Од почетокот на натпреварот можеше да се види дека и двете екипи се подготвени и мотивирани и дека се решени на овој дуел да се надигруваат. Пик Сегед отвори подобро и брзо обезбеди 5:2. Овие плус три ги чуваше неколку минути, а предност имаше до средината на првото полувреме.

Во 15. минута дојде до ново израмнување на 7:7, а потоа дојде времето за вардарци. При 9:10 успеаја со два гола по ред да дојдат до водство од 11:10, а потоа имаа и 3:0 при што обезбедија убава предност од 15:13 и со оваа разлика заминаа и на одмор.

На почетокот на вториот дел ракометарите на Вардар продолжија во ритамот во кој играа во завршницата на првото полувреме. Предноста од три гола ја одржуваа десет минути, а потоа противникот успеа да се врати во игра и на средина од второто полувреме да израмни на 20:20.

Од тој момент се влезе во период во кој имаше неизвесност и надигрување. Брзо Пик Сегед дојде и до водство, но тоа постојано беше еден гол, а Вардар израмнуваше. Така беше до пет минути пред крај кога голот на Алиловиќ како да беше магепсан бидејќи топката никако не завршуваше зад неговиот грб. Неколку напади не беа реализирани, па Банхиди во 58. минута донесе 27:25 за составот на Пик Сегед.

До крајот не беше искористен седмерец, а беше погоден само еден удар. Тоа беше премалку со оглед на фактот дека во последните седум минути Вардар имаше само еден гол, па мораше да потпише капитулација во овој важен дуел против Пик Сегед со 26:28.

ВАРДАР 1961ПИК СЕГЕД 14 февруари 2021 26 - 28 Крај

Детали

Датум	Време	Лига	Сезона	Match Day	Крај
14 февруари 2021	19:30	ЛИГА НА ШАМПИОНИ А	2020/2021	14.02.2021	60'

Место

СЦ „Јане Сандански“

Резултати

Екипа	1-во полувреме	2-ро полувреме	Резултат
ВАРДАР 1961	15	26	Пораз
ПИК СЕГЕД	13	28	Победа

ВАРДАР 1961

#	Играч	Позиција	Исклучување	Голови
1	Борко Ристовски	голман	0	1
2	Васко Шеваљевиќ	лев бек	0	0
3	Патрик Валчак	пивот	0	4
5	Стојанче Стоилов	пивот	0	2
9	Гоце Георгиевски	десно крило	0	0
11	Мартин Карапалевски	централен бек	0	0
15	Кристијан Дисингер	лев бек	1	2
18	Ловро Јотиќ	централен бек	0	6
21	Глеб Калараш	пивот	0	2
24	Анте Гаџа	централен бек	0	0
27	Иван Чупиќ	десно крило	0	3
28	Филип Талески	лев бек	0	0
31	Тимур Дибиров	лево крило	0	6
41	Марко Вујин	десен бек	0	0
44	Јосип Векиќ	десен бек	1	0
77	Робин Кантегрел	голман	0	0
	Вкупно		2	26

ПИК СЕГЕД

#	Играч	Позиција	Исклучување	Голови
8	Јонас Калман	лево крило	0	1
9	Рихард Бодо	лев бек	0	3
14	Жоан Канељас	лев бек	0	2
15	Ник Хенигман	лев бек	0	0
16	Роланд Миклер	голман	0	0
17	Богдан Радивојевиќ	десно крило	0	6
22	Матеј Габер	пивот	1	1
24	Марио Шоштариќ	десно крило	1	1
27	Бенце Банхиди	пивот	0	6
32	Мирко Алиловиќ	голман	0	0
37	Станислав Кашпарек	десен бек	0	5
42	Мартин Страновски	лево крило	0	0
44	Деан Бомбач	централен бек	0	3
45	Миклош Роста	пивот	0	0
51	Борут Мачковшек	лев бек	0	0
	Вкупно		2	28