Заблеска Кантегрел, се разигра и Чупиќ, но Вардар ќе се врати со пораз од Унгарија

Вардар одигра уште еден убав и интересен натпревар против Пик Сегед, но играта прикажана од 31. до 45. минута го остави шампионот на Македонија без бодови бидејќи тука се загуби многу, па на крајот поразот беше минимален од 33:34.

Првото полувреме со интересен тек во кој домашните имаа подобро отворање на средбата, додека вардарци до средината на полувремето се обидуваа да стигнат до предност. Тоа им успеа во 15. минута и тука тргнаа со диктирањето на темпото.

Од средината на првиот дел до крајот на првото полувреме тимот на Вардар беше тој ја имаше контролата и успеа да биде во предност од два гола. Пик Сегед неколкупати се враќаше и израмнуваше, но тоа не беше проблем Вардар да биде одново во позитива. Највисоките плус три ги имаше при 17:14, но на одмор замина со водство од 19:17.

Колку беше добро првото полувреме толку беше лош почетокот на вториот дел од натпреварот. Многу тешко се доаѓаше до позиција за шут, а противникот безмилосно казнуваше.

Првиот гол во вториот дел од средбата дојде на почетокот на седмата минута од второто полувреме. Во ова време домашните веќе имаа четири погодоци, па работите се менуваа. Кантегрел бранеше одлично и се обидуваше да го задржи Вардар во игра, па брзо дојде до 21:21.

Сепак, тука одново се влезе во лош период. Од 37. до 46. минута немаше одново гол, а ова беше предолго време во период од играта кога може да се одлучи победникот и беше искористено од Пик Сегед за убедливи 27:21.

Тука дојде конечно до будење на ракометарите на шампионот на Македонија за да се стигне до два гола негатива, 26:28.

Драмата почна во последните 3-4 минути откако Вардар стигна до гол негатива. 30:31. Меѓутоа на минута и пол до крајот Шеваљевиќ доби две минути, а Пик Сегед реализираше од седум метри. Тоа се случи за 33:31, но потоа Стоилов успеа иако беше под прекршок да погоди за гол негатива. Кашпарек реализираше за победа, а потоа Дибиров само за да ги постави конечните 34:33 за Пик Сегед.

ЛИГА НА ШАМПИОНИ – ГРУПА А

ТАБЕЛА