Македонскиот репрезентативец Дејан Манасков ја минува последната сезона во унгарскиот гигант Веспрем.
Манасков дојде во Веспрем во 2017 година од бундеслигашот Рајн Некар Левен и стана еден од најдобрите стрелци во тимот. Досега постигна 536 голови за 156 натпревари во Веспрем, пред да заработи повреда, поради која се уште е надвор од терените.
Во ракометните кулоари веќе наголемо се зборува за иднината на еден од најдобрите ракометни амбасадори на Македонија, а покрај тимовите од Бундес лигата, многу често може да се слушне и името на Вардар од Скопје, каде на клупата е неговиот поранешен тренер од Веспрем, Давид Дејвис.
Манасков по настапите за Борец, Металург и Вардар, како и за бундеслигашите Вецлар и Рајн Некар Левен, ова летo ќе го има седмиот клуб во својата кариера. Со оглед на неговите квалитети, нема да биде тешко да најде клуб од самиот европски врв.
ПОВРЗАНИ ВЕСТИ
