Македонската интернационалка Зорица Десподовска ја продолжува одличната форма во која настапува во полскиот шампионат.
Десподовска беше меѓу најзаслужните за победата на нејзиниот тим Кобержице со 30-29 над Јарослав во натпревар од 22 коло.
Левиот бек даде пет погодоци и беше прв стрелец на мечот со клубот што го елиминираше Ѓорче Петров од Европскиот Куп.
Кобержице сега има 49 бода на третото место, додека вториот Лублин има 51 бод, и се наоѓа само на чекор до потврда на местото во Лигата на Европа за следната сезона.
Следниот предизвик за Десподовска и Кобержице ќе им биде токму тимот на Лублин на 14 април.
ПОВРЗАНИ ВЕСТИ
