Минатата среда, на пригоден настан, тимот на Голден Арт, се заблагодари на четворица ракометари кои во иднина нема да бидат дел од клубот, а денес ги продолжи договорите со уште толку ракометари, кои минатата година беа важен дел од тимот предводен од Владимир Глигоров, кој и следната сезона ќе биде дел од најквалитетното ракометно натпреварување во Македонија.
Десното крило Мице Шилегов, левото крило Есад Дрпљанин и двајцата ракометари на бековските позиции, лев и среден бек, Христијан Милошески и Марио Миланов, најмалку уште една сезона ќе го носат дресот на Голден Арт.
Шилегов во редовите на Голден Арт пристигна минатата година од Охрид и беше еден од најдобрите стрелци во клубот, Милошески одигра солидно во два правци, презентирајќи се во високо потентен лев бек шутер, Есад Дрпњанин и покрај сериозната повреда на рамото, како млад ракометар покажа дека може да биде одлично решение во иднина и Марио Миланов, после промената на главниот тренер на клубот заблеска и се промовираше себеси во лидер на тимот во нападот.
Скопскиот клуб е единствен машки колектив сезонава што имаше три екипи во сите младински категроии што играа на Ф4 турнирите. Младинците беа шампиони, пионерите вице-шампиони, а кадетите беа четвртопласирани.
Клубот најави дека ќе регрутира некои помлади ракометари од вториот тим и ќе им даде шанса за докажување, а истовремено се работи и на пополнување на дефицитарните места за кои се смета дека треба да се има поквалиттени засилувања.
ПОВРЗАНИ ВЕСТИ
