Четири македонски тимови ги добија своите ривали во второто коло од Европскиот Куп во женска конкуренција.
Tимот на Вардар мина лесно во ждрепката и ќе се соочи со составот на Приштина од Косово. Нема далечно патување плус лесен ривал во однос на другите можни противници.
Металург исто така доби ривал што може да се мине, а станува збор за тимот Дуделанж од Луксембург. Чаир ќе се соочи со шампионот на Фарски Острови, Х 71.
За разлика од Вардар, Металург и Чаир, Деспина Прилеп доби еден од најтешките ривали и ќе игра двомеч со шведската екипа Скара.
Првите натпревари ќе се играат на 16/17 октомври, додека реваншите се на програмата за седум дена.