Вардар и со млади сили убедлив во Загреб, Пекинг Универзитет и вторпат беше само посилен тренинг

Ракометарите на Вардар после паузата за ЕХФ неделата иако некомплетни без проблеми успеаја да стигнат до победа на гостувањето во Загреб кај тимот на Пекинг Универзитет и да дојдат до победа од 36:28.

Вардарци уште од првата минута наметнаа свое темпо. Кокшаров брзо виде дека нема да има проблеми односно дека ќе може да им даде шанса на помладите ракометари кои играат и за Вардар јуниор, па можеше да ги одмори играчите од првата постава.

Кинезите успеаја некаде до 19. минута да издржат на негатива од 3-4 гола разлика. Во оваа минута имаа 7:10, а тука Вардар почна да го засилува темпото и постојано да ја зголемува предноста. Истата растеше постојано и до крајот на првиот дел се искачи до 21 погодок.

Второто полувреме веќе беше формалност. Немаше потреба од преголемо форсирање бидејќи предноста од 11 гола од првото полувреме беше и повеќе од доволна за убедлива победа. Успешно се чуваше предноста која постојано беше околу десет гола така што во ниту еден момент противникот не можеше да намали повеќе и да дојде до подобар резултат.

Тоа овозможи Вардар да се избори за висока победа и на втората пресметка против Пекинг Универзитет, но воедно и помладите да добијат минутажа и да го зголемат бројот на постигнати погодоци. Во завршницата дојде до мало опуштање, но и тоа не беше проблем за убедлив триумф од 36:28.

ПЕКИНГ УНИВЕРЗИТЕТ – ВАРДАР          28:36 (10:21)

Сала: Дом на спортовите во Загреб. Судии: Матија Губица и Борис Милошевиќ од Хрватска. Делегат: Јосип Посавец од Хрватска.

ПЕКИНГ УНИВЕРЗИТЕТ: К. Хе (3 одб.), Лиу (5 одб.), Јиавеи Жанг 0/2, Ж. Хе 1/3, Чангжег, Кси 4/6, Ју Ванг 6/9, Ху, Жаолијанг, Гу 1/2, Хуанг 6/8, Цао 3/3, К. Ванг, Ченг 2/2, Ј. Ванг 4/6, Јианји Жанг 1/3.

Седмерци: 4/5, Исклучувања: 4 мин.

ВАРДАР: Кугис 1/1 (7 одб., 1 сед.), Кизиќ (2 одб.), Гедбан, Кукуловски 4/7, Димитриоски 6/7, Кристопанс 3/3, Карапалевски 4/4, Пелко 7/7, Дисингер 2/2, Калараш, Чупиќ 2/6, Дибиров 0/1, Ќосевски 7/10.

Седмерци: 4/4, Исклучувања: 2 мин.