Бутел Скопје преку Пролет со скок на 3. место во Супер лигата

Екипата на Бутел Скопје си замина со трите бода од гостувањето на Пролет откако дојде до победа од 20:24 со што се најде на 3. позиција на табела и сега е зад Еурофарм Пелистер и Вардар (има натпревар помалку).

Од стартот на средбата можеше да се види дека ова ќе биде дуел со малку погодоци, но и постојана неизвесност. И двете екипи беа внимателни, но се трудеа да ја искористат секоја шанса за да дојдат до гол повеќе.

Првиот дел мина во константно менување во водство. И едниот и другиот тим имаа свои периоди и се трудеа да дојдат до гол повеќе. Во овој дел од средбата и голманите имаа свои моменти и собраа неколку интервенции со кои учествуваа во градењето на резулттот кој беше нерешен на крајот од првите 30 минути, 10:10.

Од резултатот може да се види дека имаше квалитетна игра во одбраната и не се дозволуваше така лесно да се дојде до погодок.

Вториот дел продолжи во ист стил. И двете екипи имаа добар почеток, но некаде кон средината на второто полувреме почна да се менуваат работите и Бутел Скопје да ја презема иницијативата. Успеаја да го преземат водството односно неговата контрола кога поведоа со 16:14 и од овој момент практично до крајот на средбата константно резултатот беше 2-3 гола за гостите.

Во 54. минута тимот на Бутел Скопје остана без Кристијан Василевски, но тоа беше трето исклучување за него така што мораше на трибини. Со оглед на тоа што имаше малку до крајот немаше проблем да се исконтролира и да се дојде до трите бода.

Ова беше голем триумф за Бутел Скопје што допринесе за менување на ситуацијата на табелата и ќе биде уште поинтересно во продолжение од сезоната бидејќи уште никој не може да биде сигурен околу пласманот од 3. до 6. позиција.

СУПЕР МАШКА ЛИГА – ТАБЕЛА