Бутел Скопје одработи рутински против Радовиш и запиша нови бодови

Ракометарите на Бутел во првиот натпревар од пролетниот дел од Супер лигата на свој терен беа подобри од составот на Радовиш со 26:22.

Радовишани на овој дуел влегоа без притисок и со добра игра во првите петнаесетина минути рамноправно се бореа против фаворитот. Во првите десет минути главно се играше гол за гол, а гостите од Радовиш во неколку наврати пропуштија шанса да дојдат до позитива од два гола предност.

По израмнетиот почеток на самиот старт и нерешениот резултат од 5:5, избраниците на Кристијан Грчевски влегоа во посилен ритам и со серија од 5:0 стигнаа до највисоко водство од 10:5. Бутелци до крајот на првиот дел дојдоа и до шест гола предност, 12:6, додека во завршниот дел од првото полувреме, Радовиш успеа да ја преполови негативната разлика. По 30 минути игра, резултатот беше 13:10 во корист за Бутел.

Со голот на Кристијан Ристов, гостите дојдоа до минус два гола негатива во второто полувреме, 13:11. За само неколку секунди игра во вториот дел, црвен картон поради приговор кон судиите заработи ракометарот на Радовиш, Ангелче Органџиев, кој мораше да се пресели на трибините. Домаќините во одредени моменти имаа пад во играта, а тоа беше главна причина за резултатска неизвесност.

Иако, Бутел имаше водство од 17:12, ракометарите на Радовиш со погодоците на Постолов, Ристов и Трајчевски стигнаа до минус два, 17:15. Бутел на серијата на противникот возврати со поголема мера и со четири гола во низа стигна до 19:15. Тука беше скршен отпорот на гостите од Радовиш бидејќи Бутел во последните десет минути влезе со активен резултат од 22:16.

Во последните десет минути немаше поголема промена на резултатот, така што бодовите останаа за домаќинот на овој натпревар.

БУТЕЛРАДОВИШ 2 февруари 2022 26 - 22 Крај

Детали

Датум	Време	Лига	Сезона	Match Day	Крај
2 февруари 2022	19:32	REГУЛАРЕН ДЕЛ | ПЛЕЈ ОФ СУПЕРЛИГА	2021/2022	02.02.2022	60'

Место

УС „Антон Димитров“

Резултати

Екипа	1-во полувреме	2-ро полувреме	Резултат
БУТЕЛ	13	26	Победа
РАДОВИШ	10	22	Пораз

БУТЕЛ

#	Играч	Позиција	Исклучување	Голови
5	Иван Андревски	-	0	1
7	Томче Стојановски	лев бек	2	2
8	Димитар Ѓеоргиевски	централен бек	2	2
10	Марко Митев	централен бек	1	4
14	Бојан Спасовски	пивот	0	0
15	Златко Мојсоски	десно крило	0	1
17	Бојан Спасовски	десен бек	0	3
28	Градимир Чаневски	голман	0	0
30	Бојан Блажевски	голман	0	0
33	Владимир Јевтиќ	пивот	0	3
34	Кристијан Василевски	пивот	1	1
42	Филип Бошковски	-	0	0
64	Мирко Мајиќ	лево крило	1	6
80	Дино Трајчевски	голман	0	0
94	Денис Тот	десен бек	0	2
96	Кристијан Давитковски	десен бек	0	1
	Вкупно		7	26

РАДОВИШ

#	Играч	Позиција	Исклучување	Голови
1	Славјан Паунов	голман	0	1
3	Иван Нисов	-	0	1
4	Александар Марков	лев бек	1	1
7	Александар Долдуров	лево крило	1	0
8	Кирил Буровски	-	0	1
10	Здравко Постолов	централен бек	1	6
11	Ангелче Органџиев	лев бек	3	1
12	Александар Ристов	голман	0	0
13	Костадин Ѓоргиев	-	0	1
23	Кристијан Ристов	лево крило	0	6
71	Филип Трајанов	десно крило	0	0
77	Томче Трајчевски	пивот	1	4
90	Филип Костадинов	-	1	0
	Вкупно		8	22

Officials

Судии:	Делегат:
ВУКАШИНОВСКИ АЛЕКСАНДАР ТРАЈКОВСКИ МИРКО	САЗДОВСКИ ВЛАДИМИР