Ракометарката која во сезоната 2013/14 го носеше дресот на Вардар, средниот бек и репрезентативка на Франција, Алисон Пино доаѓа одново на Балканот, но сега во Црна Гора.
Пино потпиша договор за Будуќност, па таа е само уште една поранешна вардарка која ќе игра во редовите на овој состав.
За нејзино доаѓање во Будуќност досега имаше само најави, а сега се остваруваат најавите така што дефинитивно станува јасно дека Будуќност после Радичевиќ, Лекиќ, Лазовиќ, Грбиќ… добива уште една поранешна вардарка со што сè повеќе наликува на „црвено-црниот“ тим.
Пино доаѓа од редовите на Париз 92, а претходно го носеше дресот и на составите на Иси лес Мулино, Мец, Олчим Влчеа, Вардар, Крим, Ним, Баја Маре и Брест.
ПОВРЗАНИ ВЕСТИ
