Тимот на Курнон Доверњ, каде што брани Даниел Дупјачанец а тренер е Марјан Колев, забележа убедлива победа во Третата лига на Франција.
Курнон на домашен терен славеше против вториот тим на ПСЖ со седум гола разлика, 30-23, а најголеми заслуги одат за македонскиот голман.
Дупјачанец одбрани 15 удари на гостинските ракометари, а меѓу најдобрите стрелци беше некогашниот член на Еурофарм Пелистер, пикерот Ашраф Адли со четири гола.
Курнон Доверњ на Колев и Дупјачанец се наоѓа на седмото место со биланс од осум победи, едно реми и осум порази со 34 бода, а следен предизвик ќе биде гостувањето кај Вернуј.
ПОВРЗАНИ ВЕСТИ
