Бикоски даде десет гола, Прилеп ремизираше со Дубочица Лесковац

По минималниот пораз на првиот натпревар од Дубочица Лесковац, ракометарите на Прилеп извлекоа реми на вториот пријателски двобој.

Во Лесковац, домашната Дубочица и Прилеп одиграа нерешено, 30-30, а најдобар стрелец кај македонскиот тим беше Христи Бикоски со десет гола.

Прилепчани претходно одиграа две контроли и со прволигашот Вардар Неготино, на кои забележаа победа и пораз.

Тимот на Горан Кузманоски беше ослабен, бидејќи Павлов, Трајкоски, Рустамов и Трајковски поради повреди не играа со Дубочица.

Прилепчани многу веројатно оваа сезона ќе бидат дел од плеј-аутот во Суперлигата, а пролетниот дел од сезоната започнува на 2 февруари.