Хрватскиот лев бек Иван Слишковиќ замина од португалскиот шампион Порто и негова следна дестинација ќе биде бундеслигашот Штутгарт. Слишковиќ потпиша договор на една сезона.
Шпанскиот ветеран Хулен Агинагалде не планира да ја заврши кариерата. Кружниот напаѓач ја продолжи верноста кон составот на Бидасоа и ќе остане таму и следната сезона.
Полскиот репрезентативец Камил Шипжак по одличните партии оваа сезона доби нов договор со францускиот првак ПСЖ. Актуелниот истекуваше на крајот на следната сезона, а сега е продолжен за уште две, односно до 2025 година.
Израелскиот голман Јахав Шамир по заминувањето од швајцарскиот тим Фади Винтертур се пресели во Бундес лигата. Тој потпиша договор со тимот на Минден на две сезони.
Некогашната репрезентативка на Франција, Рафаел Тервел, ќе му биде асистент тренер на Мартин Амброш на клупата на унгарскиот Ѓер. Тервел своевремено беше дел од Ѓер две сезони.
