Репрезентацијата на Македонија во атлетика во минатите два дена настапи на Европското тимско првенство од 3. лига во Лимасол во Кипар, а финишираше на 10. позиција со вкупно 268 поени. На ова натпреварување настап имаше и ракометарка на Вардар, Михаела Лазарoвска.
Таа настапи во дисциплината скок во височина и го освои 8. место. Успеа да прескокне 160 сантиметри колку што имаа уште две натпреварувачки пред неа, но тие имаа подобра серија.
Лазарoвска скокна 150 сантиметри од првиот обид, а 160 од трет. На 165 сантиметри не успеа да прескокне. Ова беше доволно за девет поени за Македонија во оваа дисциплина.
