Кузман Вардар играше цел меч без голман и убедливо загуби од Спартак

Ракометарките на Спартак славеа на гостувањето кај Кузман Вардар со 25:33 во 12. коло од плеј-аутот во Женската лига. На овој натпревар домашниот тим играше без голман, а на голот со маркер беа ракометарки од поле.

Во првиот дел Кузман Вардар успеваше да се одржи во резултатска израмнетост и покрај тоа што немаше голман. После 30 минути Спартак имаше само гол позитива од 12:13.

Сепак во продолжението Спартак брзо го скрши отпорот на противникот и без проблеми го водеше натпреварот кон победа. До крај на мечот рутински стигнаа до убедлива победа.

Најефикасна во тимот на Кузман Вардар беше Анастасија Ѓорѓиева со девет гола, додека шест постигна Елеонора Додевска. Радевска Антонија беше најефикасна за Спартак со осум погодоци, седум постигна Ангела Гроздановска.

ПозЕкипаНПРЛБ
1СПАРТАК1062223
2АСТИБО1170423
3ОВЧЕ ПОЛЕ С. У.961223
4ШАМПИОН1060422
5ГЕВГЕЛИЈА1050518
6ФЕНИКС АМС1031612
7КУЗМАН1000101