Црногорската интернационалка, Ана Шарановиќ, која три сезони го носеше дресот на Куманово, во новата сезона ќе има нов интернационален предизвик.
24-годишната ракометарка одлучи да се пресели во Финска и таму ќе настапува за екипата на Кокс.
Левиот бек минатата сезона од Куманово се пресели на Апенинскиот полуостров и во Италија една сезона настапуваше за Понтиниа.
Екс ракометарката на Куманово во својата кариера беше дел и од екипите на Будуќност и Даниловград.
На репрезентативно ниво настапуваше за сите младински селекции за својата татковина.
Со Куманово се радуваше на две титули во националниот шампионат, како и на две титули во Купот на Македонија.
ПОВРЗАНИ ВЕСТИ
