Унгарскиот Веспрем дури во финишот го скрши отпорот на Ференцварош и ги освои бодовите од тешкото гостување со победата од 27-30.
Избраниците на Момир Илиќ беа во подредена ситуација и до крајот на полувремето, домашниот тим стигна до плус четири, 16-12.
Во второто полувреме, Ференцварош исто така беше доминантен се до последните десетина минути.
По водството 25-22, почнаа да паѓаат домашните, па Штрлек, Јахја, Лекаи…со голема серија голови и плус одбрани на Цупара, направија голем пресврт.
Најдобри стрелци кај Веспрем беа Лигетвари со пет и Лекаи со четири гола, додека Манасков имаше два гола од пет обиди.
ПОВРЗАНИ ВЕСТИ
