Единствениот специјализиран портал за ракомет, 24Ракомет, сезонава повторно избира „Ѕвезда на колото“ во женската Супер лига.
Читателите ќе имаат можност да ја изберат ракометарката што најмногу покажала во колото што е завршено, и да биде избрана за „Ѕвезда на колото“.
На крајот од сезоната ќе има избор и на Идеален тим на сезоната, што за третпат ќе биде направен во првенството на Македонија.
Читателите ќе може да гласаат за една од ракометарките, и според освоените гласови една од номинираните ќе го понесе и епитетот „Ѕвезда на колото“.
Со помош на вашите гласови ќе ја одбереме најдобрата ракометарка, која ќе биде ѕвезда, односно МВП на четвртото коло од плеј-оф фазата во единствената женска сениорска конкуренција во Македонија.
Во изборот за ѕвезда на четвртото коло од плеј-оф фазата има по една ракометарка од Чаир, Ѓорче Петров и Вардар.
За ѕвезда на колото може да гласате до четврток до 12:00 часот.
Женска лига, плеј-оф, 4. коло, резултати:
Чаир – Металург Автокоманда 32:30 (ИЗВЕШТАЈ)
Ѓорче Петров – Куманово 28:19 (ИЗВЕШТАЈ)
Астибо – Вардар 20:33 (ИЗВЕШТАЈ)
ТРИ ЅВЕЗДИ НА 4. КОЛО ОД ПЛЕЈ-ОФ ФАЗАТА ВО ЖЕНСКАТА ЛИГА
Теодора Гулицоска (Чаир) – Искусната ракометарка беше предводник во победата над Металург Автокоманда, натпреварот го заврши со девет погодоци.
Анастасија Николовска (Ѓорче Петров) – Левото крило одигра одлично на натпреварот против Куманово и зад своето име имаше осум успешни реализации.
Леона Миленковска (Вардар) – Големата надеж на македонскиот ракомет одигра според посакуваното на гостувањето во Штип, постигна шест погодоци и подели неколку асистенции.
