Тимот на Кире Лазаров во заостанатиот натпревар од 9. коло славеше на гостувањето кај Пролет со 39:26.
За „сино-белите“ од Автокоманда ова беше 9-ти сезонски триумф и се единствените без пораз во досегашниот тек од сезоната.
Избраниците на Александар Јовиќ беа рамноправни во воведниот дел, потоа гостите започнаа постепено да се одлепуваат, имаа на моменти плус седум а на пауза заминаа со резултатска предност од 20:15.
Ниту во вторите 30 минути немаше поголема промена, тимот од Автокоманда не попушти ни најмалку, во 45 минута дојде до 28:20 и рутински го одработи последниот дел.
Забележителен настап во дресот на Пролет имаше младинскиот репрезентативец Андреј Стојановски, кој натпреварот го заврши седум погодоци.
Во победничката екипа прво име беше Мартин Серафимов со шест погодоци, а го следеа Марко Митев и Арнауд Бинго со гол помалку.
ПОВРЗАНИ ВЕСТИ
