По одигрувањето на 13 коло од регуларниот дел на прволигашката конкуренција, со кое беше затворена есенската полусезона, познати се седум екипи кои веќе обезбедија пласман во плеј-офот за Супер лига.
Од групата А во разигрувањето за елитата се пласираа Еурофарм Пелистер 2 со 20 бода, Металург РА со 16 и „витамините“ од Автокоманда 15, додека од групата Б, четири екипи го потврдија своето место во плеј-оф.
Таму е многу поинтересно во битките меѓу водечките екипи. Скопје е прв на табелата со 18 бодови, додека трите кои одат во плеј-офот се на делба од второто до четвртото место со по 17 – Младост Богданци, Драчево и Македонија Ѓорче Петров.
Во групата А, на чекор до место во плеј-офот се Овче Поле кој има 10 бода и Јехона која има девет, но свои шанси гледа и тимот на Кичево. Аеродром и Астраион може да планираат дека ќе биде дел од плеј-аутот.
Во групата Б, за преостанатото едно место, нема да има голема борба бидејќи на Вардар Неготино, кој има 15 бода и уште пет меча за играње му треба само бод за да го потврди местото во плеј-офот.
Шампион, кој загуби службено два бода, со 8 бода, има само теоретски шанси за прогрес. Во плеј-аутот веќе се три клуба – Партизан Гевгелија, Текстилец Штип и Преспа Вардар.
Натпреварите од Првата лига продолжуваат на 15/16 февруари.
Прва лига, група А:
Прва лига, група Б:
