Радовиш го совлада Младост Богданци во пријателски натпревар

Во отсуство на официјалните натпревари, кои ќе стартуваат во март, прволигашите ги пополнуваат празнините со играње на пријателски средби.

Едни од фаворитите за висок пласман во прволигашкиот плеј-оф, Радовиш и Младост Богданции тестираа во салата „25 Мај“.

Избраниците на Љупче Мијалов го добија натпреварот со 28-25, иако богданчани водеа на полувремето со 13-12.

Голманите на Радовиш комбинираа 12 одбрани, а најдобри стрелци беа Стојановски и Петров со по седум погодоци.

Кај Младост Богданци одлични беа чуварите на мрежата Паунков и Панов кои запреа 22 удари на домашните, а Каркалашев се истакна со седум гола.

Во домашниот состав недостигаше Постолов поради повреда, а кај гостите во ростерот не беа Ѓуриќ, Чрчев и Прчев.