Ракометарите на ПСЖ во натпревар од 10. коло од Лигата на шампионите полесно од очекуваното го совладаа Динамо Букурешт со 40:33.
За избраниците на Раул Гонзалез ова беше 6-ти сезонски триумф во европската елита, додека романскиот шампион го доживеа 6-от пораз, но на свое конто има 10 бода, па така е сигурен учесник во осминафиналето.
Гостите од Париз не наидоа на голем отпор, победата си ја обезбедија уште во првиот дел, на полувреме заминаа со предност од 21:14 и рутински ги одработи вторите 30 минути.
Најефикасни во победата на ПСЖ беа Јакоб Холм со девет и Јахја Омар со гол помалку – 8. Кај поразениот табор најефикасен беше Мохамед Али, кој зад своето име запиша осум реализации.
ПИК Сегед и Алборг во натпревар од групата Б одиграа интересен натпревар, а данскиот шампион излезе како победник по 60 минути игра, триумфираше со 32:30.
Целиот натпревар мина во голема неизвесност, главно се играше гол за гол, а во периодот од 55 минута, па до финишот, подобро се снајдоа гостите
Томас Арнолдсен и Џек Турин беа најзаслужни за победата на Алборг, двајцата ракометари имаа по осум гола, а кај домаќините блескаше Марио Шоштариќ со дури 12 гола.
