По завршувањето на петтото издание на Меморијалниот интернационален ракометен турнир „Крсте Андоновски“ беа доделени наградите за најдобрите поединци и олстар-тимот.
Највредното индивидуално признание заврши во рацете на десниот бек на Охрид, Доминик Мате, кој беше прогласен за МВП на турнирот. Неговиот соиграч Дино Славиќ ја доби наградата за најдобар голман.
За најдобар дефанзивец беше избран хрватскиот репрезентативец од Загреб, Марко Мамиќ, додека признанието за најдобар стрелец му припадна на Абделрахман Ашраф од младинската репрезентација на Египет.
Домаќинот Охрид имаше убедливо најмногу претставници и во олстар-тимот. Место меѓу најдобрите обезбедија дури петмина ракометари на охридскиот состав: Адама Кеита, Анте Иванковиќ, Тилен Стрмљан, Доминик Мате и Дино Славиќ.
Од Загреб во идеалниот тим беше избран десното крило Филип Главаш, додека најдобар пивот на турнирот е Давид Свечко од Тримо Требње.
Индивидуални награди:
Најдобар дефанзивец: Марко Мамиќ (Загреб)
Најдобар стрелец: Абделрахман Ашраф (Египет У20)
Најдобар голман: Дино Славиќ (Охрид)
МВП: Доминик Мате (Охрид)
Олстар-тим:
Лево крило: Адама Кеита (Охрид)
Лев бек: Анте Иванковиќ (Охрид)
Среден бек: Тилен Стрмљан (Охрид)
Десен бек: Доминик Мате (Охрид)
Десно крило: Филип Главаш (Загреб)
Пивот: Давид Свечко (Тримо Требње)
Голман: Дино Славиќ (Охрид)
