Голманот на Магдебург, Никола Портнер, го очекува долга суспензија од ракометните терени, откако и Б примерокот е позитивен.
Швајцарскиот репрезентативец беше позитивен на метамфетамин пред околу месец дена, се чекаше и втор тест, кој го потврди и првиот наод.
Портнер тврдеше дека е невин и дека никогаш не би користел недозволени средства и дека ќе ја докаже својата невиност.
Сега е покрената постапка против Портнер, наскоро треба да биде и позната казната, а сосема извесно договорот што голманот го има со Магдебург до 2027 година ќе биде раскинат.
Европскиот првак веќе најде преодно решение до крајот на сезоната откако го ангажира Михаел Агерфорс, а за ново засилување се споменува Андреас Вулф.
ПОВРЗАНИ ВЕСТИ
